Pazartesi, Mayıs 27, 2019
Destpêk » ÇAND HUNER » HEJMARA 8’EMÎN A KOVARA “PSYCHOLOGY KURDΔ DERKET!

HEJMARA 8’EMÎN A KOVARA “PSYCHOLOGY KURDΔ DERKET!

Nuçe: Rumet Onur Kaya

Hejmara nû ya Kovara Derûnnasî û Tenduristî “Psychology Kurdî” bi mijara dosyeya ‘Zarok û Derûniya Zarokan’ ve derket û pêşberî xwendevanên xwe. 

Di naveroka hejmara 8’emîn (Çile-Sibat-Adar-Nîsan) a Kovara “Psychology Kurdî” de, li ser mijara Derûnnasiya (Psîkolojî) Zarokan û di gelek mijaran de nivîs, gotar û hevpeyvînan cih digirin.


“Psychology Kurdî”, yekem kovara Derûnnasî ya bi Kurdî ye û di sala 2016’ê de dest bi weşana xwe kir, 3 salan weşana xwe didome. Kovara “Psychology Kurdî” çar mehan carekê derdikeve, di nav rûpelên xwe de; nûçe, gotar, hevpeyivîn û nivîsên ku li ser Derûnnasî û Tenduristîyê diweşîne û di her hejmara xwe de balê dikişîne mijarên girîng û watedar.

Ji Edîtor


Hejmara 8em ya Kovara Psychology Kurdî derket!


Weke ku tê zanîn Kovara Psychology Kurdî yekem kovara derûnnasiyê ya bi kurdî ye û ji çar mehan carekê diweşe. Kovara derûnnasiyê dîsa bi hejmareke nû û bi hejmareke têr û tije pêşberî me ye. Edîtoryayê di vê hejmarê de weke dosyayê cih dane “Zarok û Derûniya Zarokan” û ji bilî dosyayê gelek nivîsên cuda jî di kovarê de cihê xwe digirin. Psychology Kurdî div ê hejmara xwe ya nû de bi gelemperî li ser van mijaran rawestiyane:

Prof. Dr. Dr. Jan Îlhan KIZILHAN bi nivîsa xwe ya “Psîkojî, Dîn û Civak”ê bi zimanekî zanistî û bi awayekî hurgilî ji xwendevanan re têkiliya psîkolojî, dîn û civakê rave dike.

Psîkoterapîst David A. PORTER bi nivîsa xwe ya “Bêpergaliya Kesayetiya Dijcivakî di Kategoriya DSM-5ê de: Bêpergaliyên Kesayetiyê” ku ji aliyê Bîlal SEMSÛRÎ ve hatiye wergerandin, li gorî rêzikên DSM-5ê (The Diagnostic and Statistical Manual of Mantal Disorders – Destpirtûka Teşxîs û Statîstîkên Nexweşiyên Zihnî) bêpergaliya kesayetiya dijcivakî bi me dide nasîn.

Prof. Dr. Ayşegül ATAMAN ku di warê perwerdehiya taybet de bi xebat, lêkolîn û nivîsên xwe tê nasîn, me bi berfirehî di vî warî de hevpeyvîneke têr û tije kir da ku hûn jê sûd werbigirin.

Doç. Dr. Recep TÜTÜCÜ bi nivîsa xwe ya “Kesayetiya Dijcivakî û Şideta Dema Zaroktiyê” ya ku ji aliyê Siyabend ASLAN ve hatiye wergerandin, tevlî me bû û di vê nivîsê de bi zimanekî zanistî li ser şideta dema zaroktî û kesayetiya dijcivakî ya zarokan radiweste. 

Derûnnas û Terapîsta Hunerê Ezgi İÇÖZ ÖZGÜR bi gotara xwe ya “Zarokê di Dilê Me de” ku ji aliyê Kenan ÖRMEK ve hatiye wergerandin, ji bo zarokan girîngiya terapiya hunerê rave dike û li ser xalên balkêş ên terapiya hunerê disekine.

Derûnbijîşk Dr. Azad DILDAR bi nivîsa xwe ya “Zarokên Postmodern û Tendirustiya Derûnî di Globalîzma Cîhanî de” li ser cîhana postmodern û çanda populer û zarokên postmodern radiweste û bi hûrgilî globalîzmê û tendirustiya derûnî ya zarokan dinirxîne.

Derûnnasa Klînîkê û Psîkoterapîst Ayşegül ERDEM, endama damezirîner a Komeleya Derûnkolîneriyê ya Foruma Lacanî ye. Me jî derbarê ramanên Lacan ên li ser zarokan hevpeyvînek pê re kir. 

Mamosteyê Pêşdibistanê Ferîdûn BÎRGUL bi nivîsa xwe ya “Wêjeya Zarokan bi Pêwendiya Wêjeya Devkî” ji xwendevanan re behsa taybetmendiyên wêjeya zarokan dike.

Derûnnasê Klînîkê Yusuf ATABAY bi ceribandina xwe ya “Zaroktî; Mifteya Deriyê Dinê ya Mirov” li ser cîhana zarokan radiweste û ceribandina xwe bi ramanên zanyarên di vê qadê de dewlemend dike.

Her wiha;

Derûnnasê Civakî Yasîn DÛMAN bi “Bikaranîna Metodên Hunerî di Tespît û Çareserkirina Pirsgirêkên Derûnî yên Zarokan de”, Derûnnas Leyla NISÊBÎNÎ bi “Geşedana Zimên û Duzimaniyê di Zaroktiyê de”, Derûnnas Gulistan BARIK bi “Ziman û Zimanê Zikmakî”, Derûnnasê Klînîkî û Terapîstê Pirsgirêkên Zayendî Murat CAYMAZ bi “Perwerdehiya Zarokan ya Zayendî”, Mamosteyê Perwerdehiya Taybet Wehab ŞEHÎN bi “Derûniya Zarokên Astengdar û Malbatên Wan”, Derûnnas Ö. Fırat BAVLİ bi “Lênêrîneke Psîkanalîtîk li Pevçûnên Navkomî”, Mamoste Erdal GÜL bi nivîsa xwe ya kirmanckî “Sanika Tof ser o Tehlîlek Psîko-sosyal”, Pisporê Xizmeta Civakî Erdal ALADAĞ bi “Vekolîna Rûdanên Hewldana Xwekuştinê yên Sosyodemografîk Bajarê Semsûrê”, Derûnnas Mihemed Elî ALÛCÎ bi “Bîrdoziya Kesayetiyê ya John Dollard û Neal Elgar Miller”,  Isabella BÊRÎVAN bi “Konsepta Anîmûs û Anîmaya di Mem û Zîn a Ehmedê Xanî de”, Newroz Xebat YILDIRIM bi “Hûr Hûr Lêxın Govendê” bi me re ne û mêvanê beşa “Pirs  û Bersiv”ê  nivîskar û helbestvan Rojen BARNAS e. 

Hûn dikarin hejmara nû ya Psychology Kurdî û hejmarên wê yên dîtir ji Ajans J&Jyê û ji www.pirtukakurdi.com peyda bikin.


Ji bo agahî û têkilî: [email protected]


twitter.com/psychologykurdi

facebook.com/psychologykurdi

instagram.com/psychologykurdi

Hakkında Rûmet Onur KAYA

Rûmet Onur KAYA

Bu habere de bakabilirsiniz.

SUDAN VE CEZAYİR AYAKTA!

Sudan ve Cezayir Ayakta! Kuzey Afrika’nın iki Arap ülkesinde halk isyanları devam ediyor, halklar sokakları …

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir